ТОКТОМ №147
2022-жылдын 18-октябрь № 350 Кыргыз Республикасынын Президентинин "“Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар жөнүндө” Жарлыгын ишке ашыруу максатында, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесинин 7 жана 17-бөлүктөрү, ошондой эле "Кыргыз Республикасынын администрациялык-аймактык түзүлүшү тууралуу" Кыргыз Республикасынын Мыйзамынын 12-беренесинин негизинде Беловодск айылдык кеңешинин сессиясы,-
ТОКТОМ КЫЛДЫ:
1. Москва районунда административдик-аймактык реформаны жүргүзүүнүн алкагында Москва районунун Первомайск жана Беловодск эки айыл аймагын пилоттук режимде бириктирүүнүн натыйжасында бир айыл аймак жаңы түзүлгөн административдик – аймактык бирдиктин аталышын "Беловодск айыл аймагы" катары калтыруу сунушу киргизилсин.
2. Бул токтомдун аткарылышын көзөмөлдөө Беловодск айыл өкмөтүнүн башчысы А.Ж. Дубанаевге жүктөлсүн.
Төрага Т.К. Кулжанов